Maxkamad ku taal Pakistan ayaa maanta xukun cusub ku ridday ra’iisul wasaarihii hore ee dalkaasi Cimraan Khaan iyo xaaskiisa, kaas la shaaciyay in uu socon doono muddo 7 sano ah iyo ganaax lacageed.
Maxkamaddan ayaa xukunkeeda ku sheegtay in Cimraan Khaan iyo xaaskiisa aysan isku guursan sifo sharci ah, sidaas darteedna ay ku xukumeen xukun muddo 7 sano oo xarig ah iyo ganaax lacageed, iyadoo la go’aamiyay in lakala geeyo oo midba magaalo gaar ah lagu xiro.
Xukunkan ayaa noqonaya kii saddexaad ee lagu soo oogo Khan muddo toddobaad gudihiis ah, labada xukun ee kasii horreeyay ayaa dhigayay in Khan lagu xukumo min 10/14 sano oo xarig ah.
Xukunka 10 sano ayaa Khan oo 71 sano jir ah lagu xukumay, Ka gadaal markii lagu eedeeyay inuu sirta dowladda faafiyay, halka xariga 14 sano ah lagu xukumay isaga iyo xaaskiisa, kaddib markii lagu eedeeyay inay si sharci darro ah u iibiyeen alaabo uu Dahab ka mid yahay oo qasnadda dowladda Hadiyad ahaan ugu timid intii u dhaxaysay 2018-kii iyo 2022-kii.
About The Author
