Inta la xaqiijiyay ugu yaraan saddex xubnood oo isugu jira Hooyo iyo laba caruur ah oo ay dhashay ayaa ku dbintay, dab xooggan oo ka kacay hoyga ay qoyskaasi ka degganyihiin xaafad ka tirsan degmada Hargaysa ee xarunta gobolka waqooyi galbeed ee Soomaaliya.
Dabka ayaa si gaar ah uga kacay xaafadda Cabaaye oo ka tirsan Gacan-libaax ee Hargaysa, lamana soo werin sababta rasmiga ah ee keentay dabkaasi kaco, waxaana goobta uu dabka ka kacay oo ahaa hoyga ay qoyskaasi deganaayeen ku nafwaayay saddex xubnood ee hooyadu ugu horraysay.
Sidoo kale, waxaa lasoo wariyay in guriga laga soo saaray 3 kale oo carruur ah, kuwaas oo badqaba, shilalka kuwan la midka ah ee dabka ayaana Hargaysa maalmihii lasoo dhaafay kusii badanayay, waxaa sidoo kale aad usii kordhay shilalka gaadiidka, lix maalmood ka hor ayay ahayd markii shil baabuur oo ka dhacay Hargaysa gaat ahaan waddada 200 ay ku dhaawacmeen saddex xubnood.
About The Author
