Kooxo hubeysan oo burcad Koonfur Afrikaan ah ayaa weeraray qof muslim ah oo kasoo jeeda Somalia si bareer ahna ugu dilay deegaan hoostaga magaalada Cape Town ee dalka Koonfur Africa, halkaas oo ay ku xoogaysanayaan dilalka ka dhanka ah Soomaalida dalkaasi ku dhaqan.
Ninkan la dilay, ayaa magaciisa lagu sheegay Bile Axmed Caadle, kooxo hubeysan oo tuugo ah ayaana la wariyay inay ku dileen tuulo lagu magacaabo Kraaifontien oo ka tirsan gobalka Western Cape ee dalkaasi Koonfur Africa, waxayna kooxdu markii ay dileen kaddib ay si nabad galyo ah isaga dhaqaaqeen goobta uu falku ka dhacay.
Dilkan bareerka ah ee maanta lagu beegsaday ninkan, ayaa qayb ka ah dilal qorsheysan oo kooxaha burcadda ah ee u dhashay dalkaasi ay ku beegsanayaan Soomaalida ganacsiyada u tagay South Africa, bishii lasoo dhaafay ayay dhowr dilal oo ka dhan ah ganacsatada Soomaaliyeed ka dhaceen magaalooyin ka tirsan dalkaasi.
About The Author
