Ciidamo ka tirsan mujaahidiinta ka howlgala wilaayada islaamiga ah ee Galgaduud, waxay saaka gacanta ku dhigeen oo ay la wareegeen deegaanka Masagawaay ee dhaca wilaayadaasi, kaddib markii ay baqdin darted isaga carareen maleeshiyadii murtadiinta ee duullaanka ku joogay.
Ciidanka mujaahidiintu markii ay gudaha u galeen deegaanka, waxay Allah fadligiis qanimeysteen dhammaan saadkii iyo sahaydii maleyshiyada Riddada utiillay gudaha saldhiggii ay ka degganaayeen deegaanka Masagawaay, waxayna sidoo kale Allah fadligiis dileen mid ka mid ah maleeshiyadii Riddada ee goobta looga cararay, halka ay nolasha ku qabteen askari kale.
Dhanka Banaadir, ciidanka guutada madaafiicda mujaahidiintu, waxay weerar culus oo madaafiic ku qaadeen xarumo ay kooxda Riddadu ku leedahay Muqdisho, si gaar ah, xarunta sirdoonka Riddada ee Habar Khadiijo iyo xarunta golaha aqalka sare ee murtadiinta, welise lama xaqiijin inta uu la egyahay khasaaraha duqeymahaasi ku gaaray murtadiinta.
Howlgal gaar ah oo ciidamada mujaahidiintu ka fuliyeen xaafadda Jid Cakaaro ee degmada Wadajir, waxay ku dileen askari ka tirsanaa maleeshiyada Riddada, kaas oo lagu magacaabi jiray Cali Maxammed Nuur.
About The Author
