Ciidanka Sahaayinada ee cudwaanka ka wada marinka Gaza, ayaa saacadihii u dambeeyay kordhiyay duqeymaha ay ka gaysanayso aag teendhooyin ka sameysan oo ay u barakaceen dadkii rayidka ahaa ee ka qaxay magaalada Rafax, waxaa la xaqiijiyay in gantaallada Yuhuudda ay dhulka ku dareen xero qaxooti oo kutaal deegaan ku dhow Rafax.
Goobtan oo ay duqeeyeen ciidamada Yuhuudda waxay ku suntaneyd in ay ka mid noqoto meelaha nabdoon ee ay ciidanka Yuhuuddu ku dhawaaqeen inay dadku degi karaan, markii ay billaabeen duulaanka ka dhanka ah Rafax, balse xaqiiqada ayaa hadda soo baxday oo waxay Yahuuddu ku nagrayeen dadka reer Falastiin, duqeymaha iyo weerarka tooska ah ayaa ah kuwo sii socda, iyada oo tirada shuhadada ay hadda kor u dhaaftay 45 qof oo rayid ah oo carruur u badan.
Muuqaallo lagu baahiyay baraha bulshada ayaa muujinayay duqaymo aan xaddi laheyn oo ku hoobanaya teendhooyinka ay dagganyihiin dadka barakacayaasha ah, waxaana xusid mudan in Rafax xalay ay u aheyd habeen ka mid ah habeennadii ugu adkaa ee soo mara tan iyo markii uu billowday duulaanka bahalnimada ah ee ay Yuhuuddu halkaas ku qaadeen.
About The Author
