Kooxaha wax iska caabinta reer Falastiin ee halganka adag ka wada marinka Gaza, ayaa shaaciyay howlgallo kala duwan oo ay ku beegsadeen ciidanka Sahaayinada Yahuudda ee cudwaanka ka dhanka ah muslimiinta ka wada marinkaasi.
Qoraal kasoo baxay kooxaha wax iska caabinta oo lagu faafiyay bartooda rasmiga ah ee Telegram ayay ku sheegeen in howlgal Qanaas ay ku beegsadeen laba askari oo ka tirsan ciidanka sahaayinada ee ku sugan Gaza.
Weerarka toogashada ah ayaa ka dhacay bartamaha Jabaaliya ee waqooyiga Gaza, waxayna ku toogteen ilaa laba askari oo sahyuuniyiin ah, kuwaas oo qayb ka ahaa ciidamo Yahuud ah oo howlgal ka dhan ah Falastiiniyiinta halkaasi ka waday.
Howlgalka xigay ayay kooxaha wax iska caabintu ku sheegeen in uu ahaa mid ay u adeegsadeen gantaalka loo yaqaan TBG, kaasi oo ay ku beegsadeen ciidamo kuwa sida gaarka ah u tabobaran oo ka tirsan maamulka sahaayinada.
Gantaalka ayaa beegsaday guri ay ku sugnaayeen ciidankan oo kuyaal bartamaha xerada Jabaaliya ee waqooyiga marinka Gaza, gantaalka ayaa sidii loogu talagalay u beegsaday guriga Sahaayinadu ku sugnaayeen, sida laga dheehan karo muuqaal ay duhurnimadii maanta faafiyeen kooxaha wax iska caabinta.
Jumcadii shalay ayay ahayd markii ciidamada Yahuuddu ay shaaciyeen inay isaga carareen waqooyiga marinka Gaza, halkaas oo duullaan qaatay ku dhawaad 20 maalmood oo xiriir ah ay kaga jireen, balse iska caabin adag oo ay kala kulmeen kooxaha wax iskla caabinta ay ku qasabtay inay cagaha wax ka dayaan oo usoo jihaystaan dhanka koonfurta marinka.
About The Author
