Malaayiin qof oo muslimiin ah ka mid ah martida Baytka Allaha ayaa maanta si rasmi ah u guda galay gudashada acmaasha xajka, oo rukniga 5-aad ee islaamka, waxayna maanta u dhaqaaqeeen mashcarka Mina oo dhaca galbeedka dhulka barakaysan ee Xaramaynka.
Mashcarka Mina waxay martida baytka Allah maanta oo Jimco ah ku guteen yowmu Tarwiyah oo ah manaasikta ugu horreeya ee gudashada acmaasha xajka, oo socon doona muddo 6 maalmood ah, iyagoo ku dayanaya Nabiga Sallallaahu caleyhi Wasallama.
Xujayda oo kala midab, kala af iyo kala qaarado ah ayaa maanta ku kulmay mashcarka Mina, waxaanay halkaas ku guteen acmaasha xaajiga laga rabo maalinta 8-aad ee Dul-xij, waxayna dadku ahaayeen kuwa aad u badinayay Ducada, waxa kaliya ee kulmiyay ayaana ah kalimada Towxiidka.
Maalinta berri oo ah sagaalaadka waxay Xujeydu gudan doonaan Rukniga ugu weyn ee acmaasha Xajka, Nabi Muxammad Sallallaahu Caleyhi Wasallam ayaa yiri “Xajku waa carafo” taasi oo ay culimadu ku fasireen in acmaasha ugu weyn ee Xajka ay dhacayaan maalinta barri ee Carafo.
About The Author
