Shilalka gaadiidka ee dalka Kenya ayaa noqday kuwa xarka goosad ah, markale waxaa lasoo wariyay shil ka dhacay qaybo ka mid ah dalka Kenya, kaasi oo gallaaftay nolasha 7 qof oo Kenyaan ah.
Shilkan ayaa yimid kaddib markii gaari nooca xamuulka ah uu jiiray dad badan oo lugeynayay, halkaas na uu dadka ku laayay, halka dhowr xubnood oo kale oo ka mid ah dadkii lugtooda maalayay na ay dhaawacyo kala duwan soo gaareen.
Dhacdadan ayaa si gaar ah looga soo tabiyay magaalo lagu magacaabo Timau gaar ahaan jidka dheer ee isku xira magaalooyinka Meruiyo Nyanyuki ee dalka Kenya, sida uu xaqiijiyay sarkaal ka tirsan booliska.
Ilo wareedyo la hadlay warbaahinta Kenya, waxay sheegeen in dadka ku dhintay dhacdadan shilka ah ay isugu jiraan afar xubnood oo rag ah , labo haween ah iyo gabar yar.
9-kii bishan June ayay ahayd markii shil xooggan oo ka dhacay ismaamulka Nakuru ee dalka Kenya ay ku nafwaayeen ugu yaraan 10 xubnood oo Kenyaan ah.
About The Author
