Wararka ka imaanaya qaar ka mid ah waddamada dhaca bariga iyo bartamaha qaaradda Afrika, ayaa sheegaya in cudurka halista ah ee Furuqa daanyeerada uu si xowlli ah ugu dhax faafayo.
Waddanka Burundi ayaa laga soo calaamadeeyay boqolaal kiis oo ah cudurka furuqa daanyeerada sida ay xaqiijisay wasaaradda caafimaadka dowladda Burundi.
Wararka ka imaanaya magaalada Bujunbuura ayaa sheegaya in ugu yaraan 231 ruux laga helay cudurkan halista ah, kuwaas oo lagu karaantiilayo isbitaallo kuyaal 49-ka gobol ee wadankaasi ka koobanyahay.
saraakiisha caafimaadka ayaa sheegay in cudurka Furuqa Daanyeerrada uu dalka kusii faafayo, iyagoo soo jeediyay talooyin looga baaqsan karo faafidda cudurka.
War rasmi ah oo kasoo baxay xukuumadda Burundi ayay waxa loogu yeero beesha caalamka ugu qeyla-dhaansatay waxayna codsatay in laga gacan siiyo xakameynta cudurkan oo si xowlli ah bulshada ugusii dhax faafaya.
Burundi oo ah dalka ugu faqrisan caalamka ayay dadkiisu wajahayaan xaalado aad uliita sababa laxiriira xukuumadda oo aan qarash ku filan gelin majaalka caafimaadka, tusaale ahaan magaalada caasimadda ah ee Bujumbuura malahan adeegyo caafimaad oo tayo leh shacabkuna ma haystaan biyo lacabo oo nadiif ah.
Dhinaca kale dowladda Kenya ayaa ku dhawaaqday in kiiskii ugu horreeyay oo ah cudurka Furuqa Daanyeerrada laga diiwaan geliyay magaalada caasimadda ah ee Nairobi.
Kenya waxay xaqiijisay in saraakiisha caafimaadka ay karaantiileen ruuxa laga helay cudurkan, dhaqaatiirta caafimaad ayaa sheegay in xumadda cudurkan ay dhimasho sababto sababa laxiriira finanka tirada badan ee jirka qofka kasoo baxaya.
About The Author
