Dowladda Riddada ah ee Jabuuti ayaa sheegtay inay diyaar u tahay in Itoobiya ay ku wareejiso deked kutaal badda cas oo ay xabashidu maamuli doonaan si boqolkiiba boqol ah.
Waxaa hadalkan si gaar ah kaga dhawaajiyey wasiirka arrimaha dibadda Jabuuti ninka lagu magacaabo Maxamuud Cali Yuusuf.
Waxa uu ninkan sheegay in dekedda ay bixinayaan ay kutaal magaalada Taajuura oo 100km u jirta xuduudka Itoobiya.
Waxaa lagu soo waramayaa in tallaabadan ay Jabuuti ku doonayso oo ay qeyb ka tahay waxay ugu yeertay xal u raadinta khilaafka hadda ka dhax aloosan kooxda Riddada Soomaaliya iyo dowladda Xabashida Itoobiya.
Dhanka kale waxaa la aaminsanyahay in dowladda Xabbashida Itoobiya ay dooneyso saldhig xaga badda ah iyo deked ay iyagu leeyihiin, oo aysan dooneyn marin kaliya ay wax ka dhoofiso loogana soo dhoofiyo, taasi oo ka dhigan in Itoobiya aysan wax xiiso ah hadda ku heyn in Jabuuti ay siiso deked ay iyadu maamuleyso maaadaama damaca iyo hanqal taagu uu intaasi ka badan yahay, waana sida ay aamisanyihiin siyaasiyiin badan oo ajaanib ah oo u dhoon daloola arimaha gobolka.
Waxay sidoo kale xoguhu intaasi ku darayaan in dowladda Itoobiya ay sidoo kale daneyneyso ka dib helitaankeeda marin badeed ballaaran iney hanjabaado iyo qashqashaadyo ay madax furasho ku lamaananyihiin ay ku sameyso maraakiibta isaga kala goosha marinada Baabul mandab iyo Kanaalka Suweys.
Hadalka dowladda Jabuuti ayaa kusoo beegmay xilli xiisadda ka taagan gobolka ee u dhexeysa dowladaha Itoobiya, Masar iyo kooxda Riddada ay cirka isku sii shareereyso marba marka kasii dambeysa, xukuumadda Abiy Axmed na ay durbadiiba bilowday dhaq dhaqaaqyo ciidan kaddib markii ay heshay xogta ah in Masar ay qeyb ka noqon doonto howgalka saliibiga ah ee 2025-ka la qorsheynayo in lagu beddelo duullaanka isbahaysiga ashahaada la dirirka ah ee hadda haysta magaca Atmis.
About The Author
