Murtad Maxamed Cabdullaahi Farmaajo, oo ah madaxweynihii hore ee kooxda Riddada Soomaaliya, ayaa warqad uu ku faafiyay bartiisa gaarka ah kaga soo horjeestay qorshe uu sheegay in dal shisheeye loogu wareejinayo maamulka hawada Soomaaliya.
Farmaajo ayaa si gaar ah u tilmaamay in qorshahan dowladda Riddada ah uu yahay in maamulka hawada ee dalka ugu wareejinayso dowladda Imaaraadka Carabta.
“Golaha Xukuumadda Federaalka Soomaaliya waxaan uga digaynaa hirgelinta qorshaha la xiriira in dal shisheeye ay ku wareejiyaan maamulka hawada Soomaaliyeed, taas oo ah tallaabo dhaawacaysa qarannimada iyo madaxbannaanida Soomaaliyeed.”, waxaa sidaas nuqul ka mid ah qoraalkiisa ku yiri murtad Maxamed Cabdullaahi Farmaajo.
Arintan ayaa kusoo beegmayso xilli maalmihii lasoo dhaafay uu taagnaa khilaaf u dhaxeeyay shirkado laga kala leeyahay Imaaraadka Carabta iyo Turkiga, kuwaas oo isku haysta boobka hantida shacabka Soomaaliyeed, kaddib markii uu soo baxay warar sheegaya in shirkadda NAV-PASS ee Imaaraadku leeyahay la siiyay inay qaado lacagaha baadda ah ee garoonka diyaaradaha Muqdisho, taasi oo keentay inay ka carooto shirkadda kale ee Turkiga ee lagu magacaabo Faafoori.
Madaxda dowladda Riddada, ayaa marka ay xilka hayaan gala heshiisyo sharci darro ah oo ay ku wareejinayaan khayraadka iyo hantida umadda Soomaaliyeed ee muslimka ah, iyaga oo markaas eeganaya danahooda gaarka ah.
Nidaamkii Maxamed Cabdulaahi Farmaajo ayaa isagana lagu xusuustaa sidii uu u xaraashay hantida umadda, waxaa u dambeeyay heshiisyadii uu ku xaraashay hantida dadka Soomaaliyeed midkii soo shaac baxay 19-ka bishii February 2022, kaasoo ay ku xaraasheen Batroolka Somalia, heshiisna kula soo galeen shirkad lagu magacaabo Coastline Exploration LTD, si ay shidaal uga soo saarto 7 xirmood oo ka mid ah xeebaha Soomaaliya.
About The Author
