Khasaare kala duwan oo isugu jira dhimasho iyo dhaawac ayaa ka dhashay iska hor’imaad saacadihii lasoo dhaafay maleeshiyaad murtadiin ah ku dhexmaray gudaha degmada Afgooye ee Sh/hoose.
Iska hor’imaadka oo ahaa mid xooggan ayaa si gaar ah looga soo tabiyay waaxda 21-ka Oktoobar ee degmada Afgooye, labada maleeshiyo ayaana dagaallamay kaddib markii uu kala shaki soo dhexgalay.
Maleeshiyaadka dagaallamay ayaa isugu jira kuwa NISA loogu yeero ee ashahaada la dirirka ah iyo maleeshiyaadka kale oo kooxda Riddadu dhisatay, ugu yaraan hal sarkaal oo murtad ah ayay maleeshiyadu iska dileen, waxaana sarkaalka lala dilay saddex askari oo kale.
Wararku waxay intaas ku darayaan in iska hor’imaadka Afgooye ku dhexmaray maleeshiyaadka Riddada sidoo kale ay ku dhaawacmeen askar kale, ilo wareedyo kale ayaa sheegaya in iska hor’imaadkii Afgooye ku dhexmaray murtadiinta lagu la’yahay saraakiil iyo askar kale.
Sarkaal ka tirsan maleeshiyada maamulka ashahaada la dirirka ah ee Koonfur-galbeed oo warbaahinta la hadlay, ayaa sheegay in iska hor’imaadka uu dhexmaray maleeshiyo ka tirsan kooxda Riddada iyo kuwa ay ka samaysteen degmada Afgooye, sarkaalka la dilay iyo kuwa la dhaawacay ayuuna xaqiijiyay.
About The Author
