Duullaanka sahyoo saliibiga ah ee ay wajahayaan walaalaheena muslimiinta reer falasdiin ayaa galay marxalad xasaasi ah.
Buqcadda yar ee Qaza waxaa dhan walba ka hareereeyay ciidamada Yahuudda sahyuuniyadda iyo kumanaan calooshood ushaqestayaal saliibiyiin ah, gummaad bahalnimo ayaa lagasoo calaamadeeyay xaafadaha kala duwan ee Qaza 10-kii maalmood ee lasoo dhaafay.
Arrimaha yaabka iyo amakaagga ku riday umadda milyaarka muslimka ayaa ah in ciidamo Turki ah ay qeyb ka yihiin xasuuqa lagu hayo Qaza.
Markii ugu horraysay ayaa daaha laga feyday in kumanaan kun Turki Yahuud ah ay gurmad ufidiyeen yahuudda sahyuuniyadda markii ay dhacday camaliyadda Duufaanta Al Aqsaa bishii October ee sanaddii 2023-kii.
Telefeshinka Aljaziira ee afka carabiga ku hadla ayaa baaritaan uu sameeyay ku ogaaday in 10-kun askar Turki ah ay ku suganyihiin dhulka Falasdiin kuwaas oo Yahuudda kala qeyb qaadanaya gummaadka muslimiinta.
Isagoo soo xiganaya saxaafadda Turkiga ayuu telefeshinku sheegay in 4,000 oo askar Turki ah ay si toos ah uga qeyb qaadanayaan dagaalka Qaza halka inta kale loo kala qeybiyay jabhadaha kala duwan ee dagaalka ay Yahuuddu uga jirto dhulka Falasdiin ee gummeysiga kujira.
Jeneraalka ugu sarreeya ciidamada Yahuudda ee ka shaqeysiiya qalabka difaaca Cirka waa Turki gurmad ahaan uga yimid magaalada Anqara.
Bulshada muslimiinta Turkiga ayaa si aad ah uga carooday markii ay soo baxeen warbixinnadan daaha ka feydaya askarta Turkish-ka ah ee qeybta ka ah xasuuqa Qaza.
Siyaasiyiinta mucaaradka ayaa durbadiiba billaabay in ay arrintan soo farageliyaan, Zakariya Yebejii Ooglu oo ah guddoomiyaha xisbiga Al-hudaa ayaa xukuumadda Erdogaan ugu baaqay in ay jinsiyadda kala laabato askarta Turkida ee ka qeyb qaadanaya xasuuqa Qaza.
Baarlamaanka daaquudka xukuumadda Ridada Turkiga oo loogu baaqay in uu arrintan soo farageliyo ayaa weli ka caga jiidaya in uu qaraar kasoo saaro kumanaanka qof Turkida sahaayinada kabarbar dagaallamaya.
Madaxweynaha Turkiga oo dhowr jeer dhaleeceyn ujeediyay maamulka Yahuudda ayaa fadeexad lakulmay markii ay soo baxeen warbixinnadan sugayo in kumanaan askari Turki ah ay ka qeyb qaadanayaan xasuuqa Qaza.
About The Author
