Ciidamada guutada madaafiicda Xarakada Shabaabul Mujaahidiin waxay howlgal qorsheysan oo madaafiic ah ku qaadeen hoyga uu degmada Balcad ka daggan yahay madaxweynaha maamulka ashahaada la dirirka ah ee Hirshabeelle murtad Cali Guudlaawe Xuseen.
Saraakiisha ciidamada mujaahidiintu waxay idaacadda islaamiga ah ee Al-andalus u xaqiijiyeen in murtad Guudlaawe oo ah bartilmaameedka mujaahidiinta uu xilliga duqaynta ku sugnaa hoyga la beegsaday, balse uu si dirqi ah kaga badbaaday howlgalka madaafiicda ah oo la doonayay in lagu khaarajiyo.
Waxay sidoo kale isla Sh/dhexe ciidamada mujaahidiintu madaafiic ku garaaceen xero ciidan oo kuffaarta Burundi kaga suganyihiin degmada Balcad, madaafiicda ayaana sidii loogu talagalay u beegsatay xerada kuffaarta.
Dhanka Hiiraan, waxay ciidamada mujaahdiiintu howlgal qorsheysan oo qarax ah la beegsadeen guri uu degmada Buulo-burte ka daggan yahay sarkaal murtad ah oo NISA ka tirsan, kaas oo lagu magacaabo Nuur Jiikaay, sarkaalka murtadka ah ayaa qaraxa ka badbaaday balse waxa uu burbur xooggan gaaray guriga sarkaalkaasi.
Jubbada hoose, waxay ciidamada mujaahidiintu dagaal culus oo toos ah ku qaadeen xero ciidamo ka tirsan kuffaarta Kenya ka degganyihiin deegaanka Hoosingow, waxaana halkaasi ka dhacay dagaal culus oo la isku adeegsaday hubka noocyadiisa kala duwan.
Ciidamada mujaahidiinta ee ka howlgala Baay waxay dhankooda weerar culus oo madaafiic ah ku garaaceen Airport-ka magaalada Baydhaba, halkaasi oo talis u ah ciidamada kufaarta xabashida Itoobiya, waxay sidoo kale weerareen saldhiga murtadiinta Makuudo ee ka tirsan isla magaalada Baydhaba, xerada maleeshiyaadka murtadiinta ee xero koowaad ee degmada Diinsoor ayay sidoo kale mujaahidiintu weerar ku mireen.
Dhanka Sh/hoose, waxay ciidamada mujaahidiintu dagaal culus oo toos ah ku qaadeen saldhigga ciidanka Kuffaarta Afrikaanta ee deegaanka Golweyn ee hoostaga degmada Buulo-mareer, waxaa gudaha deegaankaasi laga maqlayay hubka noocyadiisa kala duwan ee la isku adeegsanayay dagaalka.
About The Author
