Xilli ay dagaallo laayaan ah ay ka socdaan qaar badan oo kamid ah gobollada wadanka Itoobiya ayna loollamayaan qowmiyadaha kala diimaha ah ee wadankaas iyo ciidanka Xabashida ayay xukuumadda Abiy Axmed digniin cusub udirtay shacabka soomaaligalbeed.
R/wasaaraha Itoobiya ayaa sheegay in haddii ay dadka soomaaligalbeed qaadaan tallaab ay ku diidayaan dowladda xabashida ay wajahi doonaan ciqaab adag sida uu hadalka udhigay.
Warbaahinta rasmiga ah ee afka dowladda ku hadasha ayaa faafisay qeyb kamid ah kalimad uu Abiy dhowaan ujeediyay xubnaha xisbiga talada haya ee PP wuxuuna kalimaddan diiradda ku saarayay dhulka Soomaaligalbeed iyo maamulka ka jira.
Ugu horrayn wuxuu sheegay in tan iyo markii uu xilka qabtay sanaddii 2018 uu isbedel ka islaaxiyay soomaaligalbeed uuna meesha ka saaray maamulkii kooxda TPLF islamarkaana uu dhisay maamul isaga hoos yimaad.
Abiy oo umuuqday in uu ka baqayo in jabhado hubaysan ay ka kacaan soomaaligaleed si lamid ah Amxaarada iyo Oromada ayaa ugu goodiyay shacabka soomaalida in uu dib ugu celin doono xaaladdii ay ku sugnaayeen waqtiyadii ay dalka maamulayeen Xeyla salaase iyo Males Zenaawi.
wuxuu ku dooday in hadda ay nabad ka jirto soomaaligalbeed balse haddii ay jabhado hubaysan sameystaan ay ciidamada federaaliga ah ku fasixi doonaan shacabka ayna xasuuqi doonaan isagoo iska indha tiray boobka iyo dhaca ay hadda ciidamadiisu ku hayaan shacabka soomaaligalbeed.
Hadalka Abiy ayaa dirayay farriin ah ” ha isku dayina inaad sameysataan jabhado gobanimo doon ah oo lamid ah kuwa amxaarada iyo Oromada”.
Tan iyo markii uu Muuse Biixi Abiy Axmed usaxiixay qeyb kamid ah badda soomaaliya ayay aqoonyahannada iyo dadka caanka ah ee soomaaligalbeed muujiyeen sida ah ugasoo horjeedaan in xabashidii dhulkooda gummeysanaysay loogu daro badda arrinkaas dareen cabsiyadeed ku beeray dowladda Itoobiya.
About The Author
