Maamul goboleedka ashahaada la dirirka ah ee Jubbaland la magac baxay ayaa sheegay inay dib ula wareegeen magaalada Raaskambooni ee gobolka Jubbada hoose, halkaas oo maalmahan dambe ay isku uruursanayeen maleeshiyaadka kooxda Riddada ee Xassan Gurguurte.
Dagaallo ayaa gelinkii dambe ee maanta dib uga qarxay magaalada Raaskam_booni, waxaana lasoo wariyay in dagaalladii galabta dhacay looga itaal roonaaday maleeshiyaadka kooxda Riddada ah ee uu Xassan Gurguurte dejiyay magaaladaasi.
Maamulka muratd Axmed Madoobe ayaa sheegay inay maleeshiyadiisu magaalada Raaskambooni ka qabsadeen maleeshiyada kooxda Xassan Sheekh, tiro saddex jeer ka badan ayaa maanta la isku noqnoqday, khasaare culus ayaa dhinacyada kala gaaray sida lasoo warinayo.
Dowladda saliibiyadda Kenya, waxay dhankeeda sheegtay inay qabteen maleeshiyo isku soo dhiibay oo ka tiranaa xukuumadda Riddada Soomaaliya, sawirro ay faafiyeen ayaa muujinayay maleeshiyo hub ka dhigis lagu sameeyay oo isku dhiibaya ciidamada saliibiyiinta Kenya ee ku sugan soohdin beenaadka u dhaxeeya Kaambooni iyo gobolka Laamu.
Kooxda Riddada Soomaaliya dhankeeda kama hadlin haziimada galabta ku dhacday, balse waxay tan kusoo beegmaysaa xilli maamullada murtad Xassan Gurguurte iyo murtad Axmed Madoobe ay toddobaadyadii lasoo dhaafay maleeshiyo ku daabulayeen Raaskambooni iyo duleedkeeda, kaasi oo ugu dambayn saaka keenay in la is weeraro ugu dambayna magaalada laga saaro maleeshiyaadka maamulka fadhigiisu yahay Muqdisho.
About The Author
