Wararka ka imaanaya dalka Kenya, ayaa sheegaya in la helay maydadka ugu yaraan laba xubnood, halka wali la baadigoobayo laba xubnood oo kale, kuwaas oo ku dhacay wabiga Tana River.
Kooxaha samatabixinta ee Kenya waxay sheegeen inay soo saareen maydadka laba arday ah oo wax ka dhiganayay iskuul kuyaal Haroresa, kuwaasi oo ku dhacay webiga.
Warbixin uu soo saaray booliiska ayaa lagu sheegay in meydadka la helay ay kala ahaayeen wiil iyo gabar, da’dooduna u dhaxeysay 10 iyo 12 sano jir, halka weli la raadinayo labo canug oo kale oo la rumeysan yahay in iyagana ay biyaha la tageen.
Dhanka kale, ugu yaraan saddex xubnood ayaa ku dhintay shil gaari oo ka dhacay ismaamulka Kisumu.
Shilka baabuur ayaa si gaar ah looga soo tabiyay aagga suuqa Kong’ou ee ka tirsan deegaanka Nyakach ee ismaamulka Kisumu, waxaana shilka galay mid ka mid ah gaadiidka mataatuuda dadweynaha iyo mooto, waana mid ka mid ah shilalka gaadiidka ee ka dhaca dalka Kenya.
About The Author
