Madaxweyne ku-xigeenka dalka Koonfurta Suudaan, gaalka lagu magacaabo Riik Majar, ayaa lagu xiray magaalada Juba, sida uu sheegay guddoomiyaha guddiga arrimaha dibadda ee xisbigiisa. War ka soo baxay xisbiga madaxweyna ku xigeenka ayaa lagu sheegay in Majar laga kaxeystay hoygiisa iyada oo hawlgalka lagu fuliyay loo adeegsaday “20 gaari oo ay saarnaayeen ciidamo si aad ah u hubeysan.” .
Xafiiska gaalada Qaramada Midoobay ee dalkaas sudan ayaa ka digtay in xarigga Machar uu dalka gelin karo xaalad dagaal, iyada oo uu hoggaanka hay’addaas, gaalka lagu magacaabo Nicholas Haysom, ugu baaqay madaxda dalka in ay is xakameeyaan si loo joojiyo colaadda sii huraysa. Wuxuu sheegay in Koonfurta Suudaan ay mar kale ku dhowdahay in ay dib ugu laabato dagaallo ba’an oo dhex mara dhinacyada iska soo horjeeda.
Warbixin ka soo baxday gaalada Qaramada Midoobay ayaa sheegtay in iska horimaadyo ka dhacay 24-kii saac ee la soo dhaafay ay dhex mareen ciidamada daacadda u ah Madaxweyne Salva Kiir iyo kuwa taabacsan Majar. Xiisadda sii kordhaysa ayaa dhalisay walaac caalami ah, iyada oo wadamada Norway iyo Jarmalka ay si kumeel gaar ah u xireen safaaradahooda Koonfurta Suudaan.
Dhinaca kale, gaalada Qaramada Midoobay ayaa sheegtay in dad gaaraya 50,000 ay ku barakaceen gobolka Upper Nile tan iyo bishii hore sababo la xiriira colaadda sii xoogeysaneysa. Xaaladda cakiran ayaa keentay baaqyo caalami ah oo loogu yeerayo madaxda Koonfurta Suudaan in ay wadahadal ku xalliyaan khilaafaadka taagan si looga fogaado dhiig kale oo ku daata dalka.
About The Author
