Shil gaari ayaa saacadihii lasoo dhaafay ka dhacay waddada isku xirta magaalooyinka Wajaalle iyo Kalabayr oo wada dhaca waqooyiga Soomaaliya.
Shilka ayaa yimid kaddib markii ay isku dhaceen gaari nooca booyadda iyo mooto bajaaj, waxaana halkaas ka dhashay khasaare kala duwan oo isugu jira dhimasho iyo dhaawac soo gaaray dadkii shilka galay.
Cisbitaalka magaalada Wajaalle ayaa la gaarsiiyay maydadka ugu yaraan laba xubnood oo shilka ku nafwaayay iyo laba xubnood oo lasoo wariyay in dhaawacyo daran soo gaareen, sida uu sheegayo mid ka mid ah bahda caafimaadka.
Shilkan ka dhacay jidka isku xira magaalooyinka Wajaalle iyo Kalabayr ayaa kusoo beegmaya xilli laba maalin ka hor shil ka dhacay kantaroolka galbeed ee magaallada Gabiley oo 58 KM dhinac galbeed kaga beegan magaalada Hargeysa, halkaas oo ay ku nafwaayeen laba xubnood.
About The Author
