Waxa loogu yeero Center for Strategic and International Studies (CSIS) oo ah xarun fadhigeedu yahay Maraykanka oo diiradda saarta amniga iyo la-dagaallanka mujaahidiinta ayaa soo saartay warbixin dheer oo ay ku qiimaysay khataraha uu Maraykanku filan karo 2025.
Warbixintu waxay xustay in mujaahidiinta Al-Shabaab ay jawaab adag ka bixiyeen isla markaana ay kordhiyeen weerarrada ka dhanka ah Maraykanka, kadib markii Donald Trump uu safaaraddii Maraykanka ee Yahuudda u raray magaallada barakaysan ee Qudus.
Weerarkii ay mujaahidiintu cagta ku mariyeen saldhiggii maraykanku ku lahaa gudaha Kenya ee Maanda Baay, ayay warbixintu si gaar ah hoosta uga xariiqday, waxaanay sheegtay in weerarkaasi Maraykanka looga burburiyey hanti gaaraysa 75.1 Milyan oo Dollar.
Weerarkan ay warbixintu xustay ayaa dhacay 2020-kii, waxaanay mujaahidiintu ay dhegta dhiigga u dareen ku dhawaad 20 askari oo Maraykan ah iyo toboneeyo kale oo Kenyaan ah. Sidoo kalena waxay mujaahidiintu ku gubeen 7 diyaaradood.
Machadka CSIS waxa kale oo farta ku fiiqay in weerarrada mujaahidiinta ee ka dhanka ah Maraykanka ay sii kordhi doonaan haddii Donald Trump uu lasoo baxo dhaqankiisii hore ee dadka rayidka ah uu ku beegsanayay duqaynta diyaaradaha.
“Maadaama ol’olihiisii hore ee Trump ee duqaynta diyaaradaha ay ka hor-tegi waayeen weerarkii 2020, ee xarunta Maraykanka ee Kenya, haatanna ma jirto sabab lagu aamino qorshe dambe oo wiiqi doona Al-shabaab sannadka 2025, waxaanay u badan tahay inay sii xoogaystaan..” ayaa lagu yiri warbixinta CSIS.
Warbixinta waxa kale ay carabowday in laga yaabo inuu hoos u dhaco 2025, cadaadiska caalamiga ah ee millateri ee ka dhanka ah mujaahidiinta Al-Shabaab, iyadoo uu dhanka kale sii murgayo caqabadaha kala duwan ee ku hor-gudban duullaanka AUSSOM.
About The Author
