Macluumaad dheeraad ah ayaa kasoo baxaya weerarkii madaafiicda ee saacadihii lasoo dhaafay ciidanka Shabaabul Mujaahidiin ku qaadeen xerada Xalane oo ah taliska ugu wayn ee ay saliibiyiinta duullaanka ah kaga suganyihiin magaalada Muqdisho iyo guud ahaan Soomaaliya.
Madaafiicdu waxay Allaah fadligiis ku wada dhaceen xerada Xalane, mid ka mid ah madaafiicda ayaa la xaqiijiyay in uu ku dhacay guri ay dagganaayeen gaalo cadaan ah burbur ayaana gaaray gurigaasi, waxaana goobta ku dhintay laba sarkaal oo gaalo cadaan ah, halka laba sarkaal oo kale oo gaalo caddaan ahna ay ku dhaawacmeen, waxaa sidoo kale gubtay 2 gaari oo ay lahaayeen gaalada caddaanka.
Xogaha aanu helnay waxay sidoo kale xaqiijinayaan in mid ka mid ah madaafiicda mujaahidiinta uu ku dhacay goob ay ku sugnaayeen askar Yugaandhees ah oo ah ilaalada UN-ka, laba askari ayaa madfaca kaga dhimatay ciidankaasi ilaalada ka haya gaalada UN-ka, waxaa sidoo kale madfac uu ku dhacay oo uu burburiyay bakhaarkii raashiinka ee ciidamada Yugandheeska ah ee ilaalada u ah UN-ka.
Sidoo kale mid ka mid ah madaafiicda ayaa la xaqiijiyay in uu ku dhacay oo uu burburiyay gaari booyad ah oo ay lahaayeen ciidamada kuffaarta Uganda ee ilaalada ka haya UN-ka, mid ka mid ah madaafiicda ayaa sidoo kale ku habsaday safaarada Faransiiska ee Xalane, burbur xooggan ayaana gaaray.
Dhanka kale, dagaallo dhowr jeer lagu jabiyey maleeshiyaadka Riddada ayaa maanta waxay markale ka dhaceen duleedka degmada Moqokori ee bariga wilaayada Hiiraan, waxaana dagaalladaasi khasaare kala duwan lagu gaarsiiyey maleeshiyaadka Riddada.
Wixii faahfaahin ah ee kasoo kordha dagaalladan culus ee maanta dib uga qarxay duleedka degmada Moqokori ee bariga wilaayada Hiiraan dib ayaan kasoo gudbin doonnaa Insha’Allaah.
About The Author
