Warar soo baxay ayaa sheegaya in laba xubnood oo yuhuud ah oo uu midi shaqaale ka yahay safaaradda sahaayinada ee magaalada Washington lagu dilay rassaas lagu furay xiili ay ku sugnaayeen meel u dhow Matxafka Yuhuudda ee caasimadda dalkaasi.
Wasiirka Amniga gudaha Mareykanka Kristi Noem ayaa ku tilmaantay weerarka dil toos loola qasday xubnahaasi, isaga oo hadal baroor ah u jeediyey ehelladooda.
Sida ay sheegeen 4 mas’uul oo ka tirsan hay’adaha Ammaanka Mareykanka, nin soconayay banaanka matxafka ayaa mar qura Yuhuuddan ku furay rassaas tira beel ah, labadan ruux ayaana ahaa nin iyo haweeney.
Waxaa intaasi sii dheer in ruuxa weerarkan geystay uu ku dhawaaqayey ereyo ay kamid yihiin “Xoriyadda Falastiin”.
Afhayeenka safaaradda Yuhuuda ee Mareykanka Tal Naim Cohen ayaa sheegay in labada qof lagu toogtay masaafo dhow iyaga oo doonayey ka qeyb galka munaasabad Yuhuud ah oo ka dhacaysay matxafka.
Mas’uuliyiin badan oo Mareykan ah sida Chuck Schumer iyo Pam Bondi ayaa durbadiiba cambaareeyn lasoo istaagay warbaahinta xilli waxa ka socda marinka Qaza iyo dhiiga daadanaya har iyo habeen ay ka dhigayaan mid qiima la’aan ah iyagoona caalamka u muujinaya in Yuhuudda la dulmiyay.
About The Author
