Wararka naga soo gaaraya magaalada Muqdisho ayaa tilmaamaya in kooxda Riddada Soomaaliya ee uu hoggaamiyo Xasan Gurguurte ay qorsheyanayso in ay fashiliso shir ay mucaaradka maalinta Arbacada ku yeellan doonaan magaalada Muqdisho, kaas oo looga soo horjeedo murtad Xassan Gurguurte.
Ilo lagu kalsoon yahay ayaa sheegaya in kooxda Riddada ay doonayso in maalinkaasi ay xirto waddooyinka Muqdisho, gaar ahaan waddooyinka aada garoonka Muqdisho halkaasi oo la filayo in mucaaradka ay shirkaasi ku qabsadaan.
Shirkaan oo ah mid xasaasi ah ayay siyaasiyiinta mucaaradsan Gurguurte uga hadli doonaan arrimaha hadda taagan ee ah khilaafka u dhaxeeya kooxda Riddada iyo mucaaradkeeda, kaas oo salka ku haya arrimaha doorashooyinka.
Waxaa la filayaa inuu shirkaasi mucaaradka ku dhistaan madal ay ku mideysan yihiin taasi oo sii murjin doonta khilaafka labada dhinac.
Kooxda Riddada ayaa walwal xooggan ka qabta shirka mucaaradka, iyadoona u aragta haddii uu qabsoomo inuu xaalada hadda taagan sii adkeyn doono, waxayna wararka sheegayaan inay qaadatay tallaabo ah inay shirkaasi ka hortagto inuu dhaco.
Xoogga mucaaradka Riddada ayaa maalmihii lasoo dhaafay waxay kusoo qulqulayeen Muqdisho, waxayna wadeen kulamo gaar gaar ah oo ka dhan ah dowladda Riddada ee Xasan Gurguurte.
Xasan Gurguurte oo hadda muddo xileedkiisa ay uga harsan tahay sanad ayaa wajahaya mucaarado maalinba maalinka ka danbeeya sii xoogaysanaysa, xili Gurguurte ay mucaaradkiisa uga shakisan yihiin inuu doonayo muddo korarsi, taasna oo ay ka biya diidan yihiin mucaaradku.
About The Author
