Ugu yaraa laba sarkaal oo ka tirsanaa ciidamada millatariga Kenya ee KDF-ta loo yaqaan ayaa la xaqiijiyay inay Ku geeriyoodeen shil diyaaradeed oo ka dhacay magaalada Kwale ee waddankaasi kenya.
War rasmi ah oo uu bixiyay guddoomiyaha gobolka Kwale, gaalka lagu magacaabo Stephen Orinde, ayaa lagu xaqiijiyay in labada sarkaal ay ku dhinteen shilkaasi xilli ay ku jireen duullimaad aan la sheegin meesha uu u socday.
Ciidanka milateriga kenya ee (KDF) ayaa sidoo kale si rasmi ah u xaqiijiyay dhacdadan, iyagoo sheegay in diyaaradda nooca loo yaqan Grob 120A oo ay leeyihiin ciidamada Cirka ay la kulantay xaalad degdeg ah markii ay ka duushay garoonka caalamiga ah ee magaalada Mombasa.
Baraha bulshada ayaa lagu arkayay dadweyne badan oo isugu soo baxay goobta shilku ka dhacay, iyada oo kooxaha gurmadka degdega ah ay gaareen si ay uga qaybqaataan howlaha raadinta dadkii wax ku gaareen diyaaradaas, warar kale oo ay warbaahinta dalkaas saakay qortay ayaa sheegay in khasaaruhu uu intaas ka badanyahay.
About The Author
