Wasiirka arrimaha dibadda ee dowladda Masar oo ka qeybgalayey shirka wasiiradda arrimaha dibadda ee Midowga Africa ayaa soo hadal qaaday xaalada Soomaaliya, iyo culeesyada dhaqaalle ee uu wajahayo howlgalka cusub ee Africaanta (AUSSOM).
Badar Cabdil-caadhii oo ah Wasiirka arrimaha dibadda Masar ayaa sheegay inay walaac xooggan ka qabaan sii laba kacleynta awooda Xarakada Mujaahidiinta Al-Shabaab ee kusii baahaysa Soomaaliya iyo dalalka Bariga Africa.
Wuxuu intaasi raaciyay in dowladda Masar ay khatar Amni ka muujinayso sii fiditaanka Mujaahidiinta, isagoona markale ku celiyey inay garab taagan yihiin kooxda Riddada Soomaaliya.
Wasiirka arrimaha dibadda dowladda Masar ayaa dhinaca kale ka hadlay xaalada dhaqaalle xumo ee uu wajahayo howlgalka cusub ee (AUSSOM), isagoona arrintaasi ku tilmaamay mid nasiib darro ah in xiligaan ay mushkiladaasi taagan tahay.
Murtadkaan ayaa sheegay in haddii aanan waxba laga qaban culeesyada dhaqaalle ee soo foodsaaray howlgalka Africaanta ee (AUSSOM) inay saameyn dhinaca amniga ah ay ku yeelan karto Soomaaliya iyo dalalka mandiqa.
Hadalka dowladda Masar kasoo yeeray wuxuu kusoo aadayaa xilli dalalka ku jira Ururka Midowga Africa ay horay u muujiyeen walaacooda ay ka qabaan hannaanka gaabiska ah ee uu ku bilowday howlgalka (AUSSOM) kaasoo ay sheegeen in haddii aanan xal degdeg ah loo helin dhaqaalaha howlgalkaasi keeni doonto inuu istaago howlgalka dhammaantiisa, xilli Mareykanka iyo dowladaha Yurub ay weli diidan yihiin inay buuxiyaan dhaqaalaha howlgalkaasi.
About The Author
