Ganacsade Cabdullaahi Maxamed Carab, oo si weyn looga yaqaanay deegaanka Tooratoorow ee wilaayada Shabeellaha Hoose, ayaa habeen hore lagu dilay gudaha gurigiisa. Weerarka ayaa waxaa geystay maleeshiyaadka calooshood-u-shaqaystayaasha Bangaraafta, ee Maraykanku uu tababaray.
Dilkan foosha xun oo ay xaqiijiyeen ehellada ninkaasi, ayaa dhacay saqdii dhexe ee habeenimadii Axadda. Wararka ayaa sheegaya in maleeshiyaadku ay gudaha u galeen guriga, halkaasoo ay kala baxeen lacago ammaano ah iyo taleefannada gacanta, iyagoo ganacsadihiina ku khaarajiyey isla goobtaasi.
Intii uu socday falkaasi xasuuqqa ah, diyaarado ay leedahay dowladda Saliibiyadda Maraykanka ayaa la sheegay inay dusha sare ka ilaalinayeen maleeshiyaadka Bangaraafta. dhacdadan naxdinta leh waxaa sidoo kale ka hadlay qaar ka mid ah ehellada ganacsadahaasi la khaarajiyey iyo dadka deegaanka oo warbaahinta kula hadlay Muqdisho.
Dhacdadooyinka bahalnimada ah ee maleeshiyaadka hoostaga Maraykanka ku beegsanayaan shacabka Soomaaliyeed ayaa qayb ka ah tacaddiyada xarkaha goostay ee isugu jira dilka, dhaca, kuwaas oo lagu dhibaateynayo dadka rayidka ah ee aan waxba galabsan.
Dhanka kale, duleedka dagmada Awdheegle ee Sh/oose ciidamada kuffaarta Afrikaanta ayaa halkaas ku garaacay tiro madaafiic ah, kuwaas oo dhaliyay khasaare isugu jira dhimasho iyo mid dhaawac oo soo gaaray dad shacab ah.
Madaafiicdaasi ayaa ku hoobatay deegaan lagu magacaabo Jowhar Awdhegle, waxaana la xaqiijiyay in ay ku dhinteen ilaa laba ruux, sidookale waxaa ku dhaawacmay hal qof, dadka dhintay ayaana qaarkood waxay madaafiicdu ugu tagtay guryahooda, kaddib tukashadii salaadda subax.
Qaar ka mid aha ehellada dadka ay wax gaareen ayaa warbaahinta la hadlay, waxayna sheegeen in ay ku dhinteen madaafiicdaasi caruur yaryar, waana qeyb ka mid ah dhibaatooyinka ay ciidamada saliibiyiinta ah ee duullaanka ku jooga dalka ay ku hayaan shacabka Soomaaliyeed, ciidamada Yugaandha ayaa shaqo maalmeed ka dhigtay daadinta dhiigga dadka muslimiin ah ee ku dhaqan gobolka Sh/hoose.
About The Author
