Wararka ka imaanaya magaalada Muqdisho ayaa sheegaya in dab xooggan uu ka kacay suuqa labaad ee ugu wayn magaalada Muqdisho ee lagu magacaabo Suuq Bacaad.
Ilo wareedyo ayaa sheegaya in dabka uu soo billowday gelinkii dambe ee maanta, waxaana uu socdaa ilaa fiidka caawa, dabka ayaa si xowli ah ku fidaya marba marka ka dambeysa.
Si rasmi ah looma xaqiijin waxa sababay dabkan ka kacay suuq Bacaad, balse burbur xoog leh in uu ka dhashay ayaa lasoo wariyay, wararka qaar waxay sheegayaan in uu jiro khasaare nafeed oo ka dhashay dabka kacay.
Magaalada Muqdisho iyo magaalooyinka kale ee Soomaalida waxaa aad ugu soo badanaya dhacdooyinka dabka ah, kuwaas oo isugu jira kuwa koronto ka dhashay iyo kuwa si kutalagal ah loo kiciyay, waxaana ku hanti beela ganacsato Soomaaliyeed.
About The Author
