Ciidamo ka tirsan maamulka ridada Puntland ayaa la sheegay in la geeyey deegaano ay kamid yihiin Boocame iyo degaanka Falariyaale ee gobolka Sool, halkaasi oo la sheegay in kooxda ridada ay doonayso inay ka fuliso doorashooyin, iyadoo usii maraysa maamulka Waqooyi Bari ee dhawaan lagu dhawaaqay.
Deegaanada maleeshiyaatka la geeyey ayaa la tilmaamayaa inuu kasoo jeedo madaxweyne ku xigeenka Puntland, Ilyaas Cismaan Lugatoor, oo si weyn u diidan in halkaas laga qabto diiwaangelin doorasho ay wadato kooxda Gurguurte.
Wararka ayaa sheegaya in ciidamo toos uga amarqaata Ilyaas Cismaan Lugatoor oo ah ku xigeen Deni ay halkaasi tageen kuwaas oo loo diyaariyay inay xabbad kala hortagaan cid kasta oo isku dayda inay diiwaangelinta fuliso deegaanadaasi.
Tan iyo markii uu soo ifbaxay khilaafka ka dhextaagan Puntland iyo maamulka Waqooyi Bari, waxaa sii kordhayey xiisada u dhaxeeysa labadaasi dhinac oo ay hurinayso dowladda ridada ee Gurguurte.
Puntland ayaa horay u sheegtay in deegaano ka tirsan Sool iyo Sanaag oo sheegteen maamulka Waqooyi Bari, ay hoostagaan Puntland, islamarkaana aysan halkaasi ka hirgali doonin damaca doorasho ee Gurguurte.
About The Author
