Wararka ka imaanaya wadanka Kenya, ayaa sheegaya in kumannaan qoysas Kenyan ah ay isaga barakaceen guryahooda, kaddib markii ay fatahaado ku dhufteen deegaan ka tirsan ismaamulka Nakuru ee dalka Kenya.
Ilo wareedyo maxalli ah ayaa soo sheegay in ugu yaraan 4,000 oo qoysas ah ay ku barakaceen fatahaado saameeyay deegaanka Naivasha ee ismaamulka Nakuru, waxaana qoysaskaasi dantu ku qasabtay in loo weeciyo guryo kale oo kuyaal dhulka sare.
Daadadka ayaa ka dhashay biyaha harada Naivasha ee ismaamulkaasi oo intii hore ka sare maray sida lasoo warinayo, waxay ilo wareedyadu intaasi kusii dareen in sidoo kale fatahaaddu si isku mid ah u saameysay xaafado, beero iyo maqaayado.
Josiah Odongo oo ah guddoomiyaha Kenya u qaabilsan deegaanka Naivasha, ayaa sheegay in qoysas hor leh la daadgureeyo oo ay saamayn ku yeeshaan daadadka ku dhuftay deegaanka, waxaa sidoo kale laga digayaa in halkaasi ka dillaacaan cudurrada biyaha ku faafa.
About The Author
