Inta la hubiyay ugu yaraan 4 qof oo Kenyan ah ayaa ku dhintay shil xooggan oo ka dhacay waddo aad u mashquul badan oo kutaal inta u dhaxayso magaalooyinka Mombasa iyo Nairobi.
Shilkan gaari ayaa lasoo wariyay in uu si gaar ah uga dhacay deegaan lagu magacaabo Kalimbini, waxaana uu yimid kaddib markii ay isku dhaceen gaari gaar loo leeyahay iyo kuwa xamuulka qaada.
Wararku waxay intaas ku darayaan in shilka kaddib ay goobta gaareen ciidamo ka tirsan booliiska iyo shaqaalaha kooxaha gurmadka degdega, kuwaas oo halkaas kasoo saaray maydadka iyo dhaawacyada ka dhashay shilkan gaari.
Marka laga soo tago tirada dadka ku dhintay shilka oo lagu sheegay ilaa 4 qof , si rasmi ah looma shaacin tirada rasmiga ah ee dadka ku dhaawacmay shilkaasi.
Dhacdadani waxay kusoo beegmaysaa xilli todobaadyo ka hor ay ahayd markii ay dhinteen laba qof halka saddex kalena dhaawacmeen kaddib shil baabuur oo ka dhacay waddada weyn ee Kwa Mautiiyo.
About The Author
