R/wasaaraha dawladda Xabashida Itoobiya Gaal Abiy Axmed ayaa mar kale ku celiyey damaciisa badeed, waxaanu shaaca ka qaaday in Itoobiya aanay kusii jiri doonin Xabsiga Juquraafiyadeed ee naga hor-taagan ayuu yiri albaabada Badda.
Waxa uu qalad iyo dood jaban ku sifeeyey in dhalinyarada Itoobiya ay walaac iyo shaki ka muujiyaan sidii ay ku gaari lahaayeen Badda Cas, isagoo ku boorriyey in welwelkaasi ay niyaddooda ka saaraan isla markaana xaqiiqsadaan in Badda Cas ay iyagu lahaayeen, soo-celinteeduna uu waajib qaran yahay.
R/wasaare Abiy Axmed oo ka hadlayay baal-furka buug uu qoray oo lagu soo bandhigay caasimadda Addis Ababa ayaa yiri:
“Haddii ay jiraan Itoobiyaan rumaysan in dalkani weligiis ahaanayo maxbuus juquraafiyadeed, qofkaasi waxba maaha. Haddii uu jiro qof Itoobiyaan ah oo aaminsan in aanay Itoobiya Bad helaynin, kaasi ha iska dhinto…”
Abiy waxa uu sidoo kale ka sanqariyey wax uu ku sheegay go’doominta juquraafiyadeed, iyo xirnaanta albaabada Badda ee Itoobiya, ay qayb weyn ka tahay saboolnimo baaxad leh ee muddo badan ay ka jirtay dalkaasi.
Isaga oo Gaal Abiy Axmed muujinaya sida ay uga go’antahay fulinta damaca badeed ee Itoobiya, ayaa intii uu khudbaddiisa ku gudo-jiray uu mar kale yiri “Ma aha arrin xikmad leh, in dal ballaaran oo sida Itoobiya ah lagu wareejiyo jiilasha mustaqbalka, isaga oo weli go’doonsan…”.
Dhawaaqan kasoo yeeray R/Wasaaraha Itoobiya ayaa kusoo aadaya xilli xiisadda gobolku ay cirka isku sii shareerayso, isla markaana dawladda Erateriyana ay ku goodiday inay jawaab adag oo saamaysa gobolka oo dhan ay ka bixin doonto haddii Itoobiya isku daydo in ay kusoo duusho xeebaheeda.
About The Author
