Madaxa Kooxda Riddada Soomaaliya, Murtad Xasan Sheekh Maxamuud, ayaa dhawaan aflagaaddo fool xun kula kacay Sayid Maxamed Cabdulle Xasan, oo in ka badan labaatan sano halgan adag oo jihaad ah kula jiray Kuffaartii duullaanka Saliibiga ah kusoo qaadday ummadda muslimiinta ah ee Soomaaliyeed.
Murtad Gurguurte ayaa mar uu dhawaan waraysi siinayay mid ka mida warbaahinta ugu afka dheer dalalka Carabta, waxa uu soo hadal-qaaday Sayid Maxamed Cabdulle Xasan, isagoo si cad ugu tilmaamay inuu ahaa “Wadaad Waalan.”
Eraygan gefka ah, oo Sayidka ay ugu yeeri jireen gumeystihii uu dagaalka adag kula jiray, ayuu Murtad Xasan Gurguurte soo qaatay, isagoo doonaya inuu ku raalli-gelinayo Gaallada caalamka, isla markaana uu suurad-xumeeyo Sayidka iyo halgankiisii jihaadiga ahaa ee la mahadiyey.
Guud ahaan bulshada Soomaaliyeed, oo ay ku jiraan qaar ka mida siyaasiyiinta riddada, ayaa si weyn uga dhiidhiday aflagaaddadan bareerka ah ee uu Murtad Xasan Sheekh Maxamuud kula kacay Ash-shahiid Sayid Maxamed Cabdulle Xasan.
Murtad Maxamed Caddoow, oo hore u ahaan jiray suxufi, kana soo shaqeeyey warbaahinno caalami ah sida Al-Jazeera, haatanna ka tirsan golaha dawaaqiidda ee baarlamaanka dawladda saliibiyadd ah ee Kenya, ayaa ka hadlay arrintan, waxaanu yiri:
Abwaan Yuusuf Cismaan Cabdulle oo ku magac-dheer (Yuusuf-Shaacir), oo ka mida bulshada ku dhaqan magaalada Hargeysa, ayaa si adag uga dhiidhiyey aflagaadada loo geystay Sheekha, waxaanu sheegay inaan marnaba la aqbali karin gefka uu Murtad Gurguurte kula kacay Sayid Maxamed Cabdulle Xasan. [COD 2 YUUSUF-SHAACIR]
Qawsaarrada hor-joogayaasha looga dhigay maamullada ashahaado-la-dirirka ah ee ay gaalladu ka samaysatay Soomaaliya, ayaa marar badan waxaa bannaanka uga soo baxa Naxliga iyo Nacaybka jiifa uurkooda, ee ay u qabaan taariikhda iyo halganka dahabiga ah ee Sayid Maxamed Cabdulle Xasan oo afka ciidda u daray Kuffaartii duullaanka macatab-ku-dirirka ah kusoo qaadday guud ahaan geyiga Soomaaliyeed.
About The Author
