Xilli ay sii xoogeysanayaan dagaallada ahliga ah ee ka holcaya wadanka itoobiya ayay mid kamida jabhadaha mucaaradka ugu tunka weyn wadankaasi waxay soo saartay war ka dhan ah taliska Abiy Axmed.
Jabhadda Xoraynta Dadka Tigreega ee loo yaqaan TPLF ayaa soo saaray war-saxaafadeed ay ku sheegayso in dawladda Xabashida Itoobiya ku guul-daraysatay fulinta heshiiskii Pretoria ee lagu joojiyey dagaalkii dhiigga badan ku daatay ee ka dhacay waqooyiga wadankaasi.
Inta badan qodobadii heshiiskan ayay TPLF sheegtay in maamulka Addis Ababa uu buriyey kuwaas oo waxyaabihii uu dhigayay ay ka mid ahaayeen ballan-qaad nabadeed, soo celinta barakacayaasha iyo saarista ciidamada Federaaliga ee qabsaday deggaannadaasi.
Waxay xustay TPLF in Kumanaan qof oo barakacayaal ah ay ku dhibaataysanyihiin galbeedka Tigray islamarkaana ay lasoo deristay cunto la’aan, daawo la’aan, hoy la’aan, ammaan la’aan, iyo sharaf la’aan iyo sidoo kale dhibaatooyin kale oo si maalinle ah ay ula kulmaan dadka xabashida Tigreega.
Dhibaatooyinkaasi baaxadda leh ayay TPLF ka dhawaajisay inay kasii darayaan marba marka ka dambaysay, isla markaana ciidamada Itoobiya ay sii wadaan xasuuqqa aamusan ee ay ku hayaan bulshadda Tigreega iyo qabsashada dhulkooda.
“Muddo 5 sano ah Boqollaal Kun ayaa ku dhintay xeryaha barakacayaasha sababo la xiriira gaajo, cudurro, dayac, iyo difaac la’aan. Waa falal nidaamsan oo si ula-kac ah loo fulinayo, iyadoo loogu soo gabbanayo magaca “Nabadda”. Waana calaamad muujinaysa burburin iyo baabi’in toos ah” ayaa lagu yiri bayaanka kasoo baxay kooxda TPLF. ee mucaaradka ah.
Jabhadda Tigreega waxay ku baaqday in ciidanka millateriga Abiy Axmed si deg-deg ah looga saaro deggaannada ay qabsadeen ee gobolka Tigrey, si loo soo afjaro ayay yiraahdeen dhibaatada baaxadda leh ee ay ku hayeen shacabka Tigrey, barakacayaashuna usoo laabtaan.
Saraakiil katirsan xukuumadda Addis Ababa ayaa u arka baaqan kasoo yeeray jabhadda Tigreega ee mucaaradka ah mid udhiga dagaal iclaamin dadban waxayna ganafka ku dhufteen in ciidamada Federaaliga ah laga saaro waqooyiga Itoobiya.
Sedaxdii bilood ee lasoo dhaafay ayay dowladda Xabashida sodomeeyo kun oo askari ku daad guraynaysay gobolkan si ay isugu diyaariso dagaal lagu hoobto oo ay lagasho ciidanka Ereteriya oo qeyb uga sugan ismaamulka Tigray.
About The Author
