Waxaa marba marka kasii dambaysay isa soo taraaya dhacdooyinka murugada leh ee kooxda arxan-laawayaasha ah ee Riddada Soomaaliya ay kula kacayso shacabka masaakiinta ah ee ku nool magaalo-madaxda Soomaaliya ee Muqdisho.
Saacadihii lasoo dhaafay waxaa la ogaaday dhacdo hor leh oo fajac iyo amakaag ku reebtay bulshadda Muqdisho, kadib markii lagu war-helay, hooyo Soomaaliyeed oo ku hor umushay mid ka mida cisbitaallada ay maamusho kooxda Riddada Gurguurte, kaddib markii la diiday in loo fidiyo adeeg deg-deg ah, isla markaana dibadda looga saaray cisbitaalka.
Goob-joogayaal u warramay warbaahinta ayaa sheegay in hooyada oo fool ah kuna sugan xaalad halis ah loola cararay cisbitaalka Banaadir oo ah goob caafimaad oo ay maamusho kooxda Gurguurte, balse hooyadaasi la diiday in loo fidiyo wax gurmad ah, waxaana lagu amray in bannaanka ay ka joogto cisbitaalka.
Hooyada oo sida la sheegay ka mid ah dadka danyarta ah ee ku nool magaalada Muqdisho, ayaan haysan kharash ku filan oo ay isaga bixiso adeeggaasi caafimaad, waana sababta keentay ayaa la yiri in laga saaro cisbitaalkan ay gacanta ku hayso kooxda Riddada ee Villa Somaliya.
Sida ay sheegeen dad goobta joogay, markii hooyada loo diidday in irridda ay foodda geliso, waxay ugu dambeyn ku hor umushay albaabka weyn ee cisbitaalka, iyadoo ay caawinaysay haweeney waayeel ah oo goobtaasi maraysay ayna u adkaysan wayday xaaladda khatarta ah ee hooyadaasi ay ku sugnayd.
Muuqaal aad looga argagaxay oo laga duubay hooyadu markii ay foolanaysay ayaa saacadihii lasoo dhaafay si weyn ugu faafay baraha bulshadda. Waxaana laga dhex-maqlayaa catawga hooyada iyo qaylo-dhaanta qof ka mida dadkii dhacdadaasi goob-joogga ka ahaa.
Wararka ayaa intaas ku daraya in ilmaha yar uu ku dhashay xaalad adag, hooyaduna ay wajahday dhiig bax aad u daran, kadib markii kooxda cisbitaalku ay albaabada ka xirteen kana gaabsadeen xattaa in ay dhiig-joojin kaliya u sameeyaan.
Murtad Cali Xaaji Aadan oo ah Wasiirka kooxda Gurguurte ugu magacaaban Wasaaradda caafimaadka ayaa afkiisa ka qiray dhacdadaasi foosha xun ee ka dhacday afaafka hore ee cisbitaalka Banaadir ee magaalada Muqdisho.
Wasiirkan murtadka ah, ayaa horay u sheegay in uu lacag ka dhigay qaar ka mid ah cisbitaallada danta guud ee kuyaal magaalada Muqdisho oo uu ka mid yahay Cisbitaal Banaadir, kuwaas oo horay bulshada si bilaash ah ugu adeegi jiray.
Xaalka bulshadda muslimiinta ah ee ku nool deggaannada ay gacanta ku hayaan kooxda Riddada Soomaaliya, ayaa maraaya meeshii ugu xumayd, waxaanay dhacdadani ku soo aadaysaa xilli ay tiro-beel noqotay lacaga baadda ah ee laga qaado bulshadda, isla markaana uu xarkaha goostay dilka, boobka iyo barakicinta ay kooxda riddadu ka waddo magaalada Muqdisho.
About The Author
