Iyadoo xiisada udhaxaysa dowladaha Eratariya iyo Itoobiya ay cirka isku sii shareeraysay mudooyinkii danbe ayaa warar soo baxaya waxa ay sheegayaan in ciidanka Eratariya ay soo rideen diyaarad Daroon ah oo laga leeyahay Itoobiya, taas oo gudaha u gashay hawada waddankaasi .
Diyaaraddan oo nooceedu ahaa kuwa aan duuliyaha lahayn, ayaa waxaa lasoo riday xilli ay dul-maraysay magaalo xeebeedka Casab ee gudaha Eritrea, sida lagu sheegay xogo ay baahiyeen warbaahinnada labada dal.
Sidoo kale, war kasoo baxay xukumada Asmara ayaa lagu sheegay, in diyaaraddan ay tahay tii labaad ee ay kasoo ridaan Itoobiya, waxayna xuseen, in isla isbuucaan gudihiisa ay soo rideen diyaarad daroon ah oo ay leedahay Itoobiya, taas gudaha usoo gashay hawada Eritrea, kana soo tallaabtay xadka uu dalkaasi la wadaago gobalka Canfarta.
Muuqaal lagu faafiyay mareegaha Internetka ayaa muujinayay diyaarada ay leeyihiin itoobiyaanka ee lasoo riday, labada dowladood ayaana sanadadii danbe waxa ay ku jiree loolan ku aadan xaga diyaaradaha aan duuliyaha laheyn oo ay kasoo iibsadeen xadi badan
Khilaafka udhaxeeya dowladaha Eratariya iyo Itoobiya ayaa mudooyinkii lasoo dhaafay cirka isku shareeray, gobolka Tigree ayaana markaan ah xudunta dagaalka, iyadoo Asmara iyo TPLF ay xulufo noqdeen.
Abiy Axmad iyo janaraaladiisa ciidanka ayaa warbaahinta ka sheegaya in raadinayaan marin badeed iyaga oo afka ku haaya dekada Casab ee Eratariya, xukumadaha Asmara iyo Addis Ababa ayaana wada dadaallo diblumaasiyadeed oo midkasta uu ku doonayo in uu ku helo xulufo ka hor inta aysan rasaastu ugu horayso dhicin.
About The Author
