Maamulka Saliibiga ah ee Washington ayaa ka hadlay weerararkii bahalnimada ahaa ee Sabtidii lasoo dhaafay ay diyaaradaha dagaalka ee Maraykanku ku xasuuqeen shacabka abriyada ah ee ku nool degmada Jamaame ee wilaayada Islaamiga Jubbada Hoose.
Bayaan kasoo baxay taliska ciidamada Maraykanka ee Afrika ee loo yaqaan AFRICOM ayaa lagu sheegay in duqaymo dhinaca cirka ah ay ka fuliyeen Jimcihii iyo Sabtidii lasoo dhaafay deggaan Waqooyi-bari kaga beegan magaalada Kismaayo.
Taliska AFRICOM, waa uu ka gaabsaday in uu wax faahfaahin ah ka bixiyo waxyeelladu uu geystay weerarkaasi, balse wuxuu bayaankiisan ku caddeeyey in kooxda Riddada Soomaaliya ay qayb ka ahayd, gacanna ku siisay fulinta duqayntan axmaqnimada ah ee uu ku xasuuqay dadka shacabka ah ee ku dhaqan magaalada Jamaame.
Randolph Bourne Institute oo ah hey’ad-gaalleed fadhigeedu yahay Maraykanka ayaa xaqiijisay in duqaymo lagu xasuuqay dad rayid ah uu Maamulka Trump ka fuliyey maalmihii lasoo dhaafay Koonfurta Soomaaliya.
Hey’addan oo inta badan diiradda saarta faragelinta Maraykanka ee dalalka caalamka, ayaa boggeeda Antiwar ku daabacday warbixin ay ku xaqiijisay in maalmahan u dambeeyey Mareykanku uu qaaday ugu yaraan shan weerar oo cirka ah oo uu ka fuliyey gudaha dalka Soomaaliya.
Weerarradan duqaynta ah ayay warbixintu xustay in lagu xasuuqay dad rayid ah, laguna burburiyey guryo iyo goobo ganacsi oo ku yaalla magaalada Jamaame, sida ay hey’addu kasoo xigatay ilo-wareedyo maxalli ah oo wareysiyo la yeeshay dad goob-joogayaal ah.
Hey’ad-gaalleedda Randolph Bourne Institute ayaa geesta kalena iyadoo soo xiganaysa mareegta Islaamiga ah ee Wakaaladda Wararka ee Shahaada, waxay boggeeda AntiWar kusoo bandhigtay sawirrada shacabkii lagu xasuuqay magaalada Jamaame.
Saliibiyiinta Maraykanka oo adeegsanaya diyaarado iyo madaafiic ayaa si aan loo meel-deyin u duqeeyay xaafadaha degmada Jamaame, waxayna duqaymahaas ku beegsadeen guryaha shacabka, goobo ganacsi, iyo xarumo warbarasho.
Xasuuqqan Waxshinimada ah ee ciidamada saliibiyiinta Maraykanka oo kaashanaya murtadiinta Soomaaliya ay ka geysteen magaalada Jamaame ayaa waxaa ku shahiiday 12 qof, oo iskugu jira 8 caruur ah, 3 dumar ah iyo Oday waayeel ah. Sidoo kale waxaa duqaymaha cadawga ku dhaawacmay 9 qof oo kale. Waxaana ku burburay guryo shacab, goobo ganacsi, iyo xarumo warbarasho.
About The Author
