Wararka ka imaanaya magaalada Mandheera ee dhulka NFD ee ku hoos-jira gumeysiga saliibiyiinta Kenya, ayaa sheegaya in gaadiid badan ay burbureen ka dib markii lasoo wariyay in dab la qabadsiiyay.
Ilo wareedyo deegaanka ah ayaa soo sheegay in kooxo aan la garanayn ay gubeen gaadiid badan oo baakin ku jiray, waxaana baabuurtaasi dabaka la qabadsiiyay xilli habeen ah.
Weli si rasmi ah looma shaacin tirada gaadiidka ku basbeelay dabka lasoo wariyay in la qabadsiiyay gaadiidkaasi, waxaana baraha bulshadu ku wada xiriirto lagu faafiyay sawirro muujinaya gaadiidka qaar oo si dhammeystiran u basbeelay halka kuwa qaarna waxyeello soo gaartay.
Dhacdadan ayaa si gaar ah looga soo tabiyay goob gaadiidka la dhigto oo kutaal aagga xarunta Huduma ee magaalada Mandheera, Booliiska saliibiyiinta Kenya oo dhacdada ka hadlay ayaa sheegay inay baaritaanno samaynayaan.
About The Author
