Wargeys kasoo baxa dalka Maraykanka oo la dhaho The Washington Times ayaa qiray in Riddada Soomaaliya ay tahay koox aad u tabar-daran oo xattaa aan awood u lahayn in ay maamulaan deggaannada ka baxsan caasimadda Soomaaliya ee Muqdisho.
Murtad Sonkor Geyre, agaasimihii hore ee Wasaaradda Gaashaandhigga kooxda Riddada Soomaaliya oo waraysi siiyey wargeyskan ayaa sheegay in amniga kooxda riddadu uu halis ku jiro, isla markaana ay jirto khatar weyn oo kaga imanaysa dhinaca Mujaahidiinta Al-Shabaab.
Warbixinta oo ahayd mid dheer ayuu sidoo kale wargeysku xusay in geesiyada tawxiidka ee Mujaahidiinta Xarakada Al-Shabaab ay ku-dhaqanka shareecada Islaamka ka hir-geliyeen dhul aad u ballaaran oo ay maamulayeen ayuu yiri muddo labaatan sanno ah.
Waxa kale oo warbixintu ka sanqarisey in Mujaahidiinta Al-Shabaab ay khatar weyn ku hayaan ciidamada Kenya isla markaana ay ku bartilmaameesadaan deggaanno uu wargeysku ku sheegay in ay ka tirsan yihiin gudaha dalka Kenya.
Weerarradan ay mujaahidiintu ay ku beegsanayaan ciidamada Kenya ayuu wargeysku ka dhawaajiyey in ay sii xoogaysanayaan tan iyo wixii ka dambeeyey markii saliibigii hore madaxweynaha ka ahaa Maraykanka Joe Biden uu Kenya la galay heshiis uu sheegay inuu ka caawinayo dagaalka ay kula jirto Mujaahidiinta Al-Shabaab.
Warbixinnada ay kuffaarta caalamku ka qorayaan horumarka Mujaahidiinta iyo hoobadka Riddada ayaa si joogta ah isaga soo daba-dhacaaya, waxaanay kusoo aadayaan xilli Geesiyada Tawxiidku ay kor u qaadeen hawl-galladooda isla markaana Allaah fadligiis ay afka ciidda u dareen cadawga midabbada badan ee ku bahoobay duullaanka saliibiga ah ee lagu soo qaaday dalka Soomaaliya.
About The Author
