Maamulka saliibiga ah ee Donald Trump ayaa soo saaray amar uu dalkiisa kaga saarayo dadka Itoobiyaanka ah ee sharci la’aanta ku jooga gudaha dalka Maraykanka.
Kristi Noem, oo ah Xoghayaha Amniga Gudaha Mareykanka ayaa ku dhawaaqday go’aan sheegaya in la joojiyo magacaabista Xaaladda Ilaalinta Ku-meelgaarka ah ee Itoobiya.
Afhayeen u hadlay Hay’adda Socdaalka iyo Jinsiyadda Mareykanka ayaa isna sheegay in wakhtigeedu xaddidan yahay xaaladda ilaalinta gaarka ah, oo aanay ahayn mid lagu helo deggenaansho rasmiya.
Muwaadiniinta Itoobiya ee aan haysan sharci ay ku joogaan Mareykanka ayaa lagu amray in si iskood ah ay muddo 60 maalmood gudahood uga baxaan gudaha dalka Maraykanka.
Cidda awaamiirtaasi fulisa ayaa lagu wargeliyey in ay heli doonaan tigid diyaaradeed oo bilaash ah, gunno bixitaan oo Kun Dollar ah, iyo fursado mustaqbal oo la xiriira socdaal sharciya oo ay kusoo geli karaan dalka Maraykanka.
Itoobiyaanka aan haysan sharci uu ku joogo gudaha Marayknka ayaa lagu war-geliyey in uu mutaysan doono xarig iyo masaafurin, wixii ka dambeeya 13-02-2026, sida lagu xaqiijiyey bayaanka kasoo baxay Waaxda Amniga Gudaha.
Maraykanka ayaa nidaamkan ilaalinta gaarka ah ee la siiyo dadka ka soo jeeda dalalka ay dhibaatooyinku ka jiraan ee jooga Maraykanka waxa uu horey ugala noqday dadka Soomaalida ah ee ku nool dalka Maraykanka.
Gaal Donald Trump oo go’aankan Soomaalida ka dhanka ah afkiisa kaga dhawaaqay, ayaa wixii intaa ka dambeeyey-na wuxuu dar-dar xooggan sii geliyey dagaalka dhinacyada badan ee uu ku beegsanayo bulshada Soomaaliyeed ee ku dhaqan gudaha Maraykanka iyo dalkooda Soomaaliya.
About The Author
