Kulankaan oo ahaa mid hordhac ah ayaa shaley wuxuu ka furmay Hotel ku yaalla gudaha garoonka magaalada Muqdisho, wuxuuna dhexmaray murtad Xasan Gurguurte iyo mucaaradka la magacbaxay “Golaha Mustaqbalka”.
Qaar kamid ah mucaaradka ayaa sheegay inuu kulankaan uu ahaa mid gogol dhig u ah kulamada kale ee haray kuwaasi oo looga hadli doono qodobada la isku hayo.
Xasan Gurguurte ayaa wali ku adkeysanaya in kulamada kale ee haray ay ka dhacaan Villa Soomaaliya taasoo ay si weyn u diidan mucaaradka.
Mucaaradka ayaa doonaya in kulamada dhammaantood lagu qabto gudaha xeendaabka Xalane, halkaas oo ay sheegayaa inay tahay mid amaan ah, balse aysan Villa Soomaaliya isku haleen karin amnigeeda.
Qodobada ugu waaweyn ee labada dhinac isku hayaan ayaa ah arrimaha doorashooyinka iyo wax ka badalka uu Gurguurte ku sameeyey Dastuurka ridada.
Lama oga sii socoshada kulamadaan iyo natiijada kasoo bixi doonta xili labada dhinac midba midka kale uu ku dhagan yahay aragtidiisa.
About The Author
