War rasmi ah oo kasoo baxay taliska ciidamada dowladda Iiraan ayaa lagu sheegay in ay beegsanayaan dhammaan dekadaha waaweyn ee wadanka Imaaraatka Carabta waxayna digniin culus udireen shacabka wadankaasi ku dhaqan.
Dowladda Iiraan waxay sheegtay in dekadaha Imaaraatka ay bartilmaameed uyihiin waxaana durbadiiba dhaqangal noqday amarka kasoo baxay xukuumadda Dahraan.
Qaraxyo waaweyn ayaa laga maqlay magaalada Alfujerah ee dekadda leh kadib markii diyaarado Drones ah iyo sawaariikh lagu beegsaday dekadda.
Warsaxaafadeed kasoo Xafiiska warfaafinta ee dowlad goboleedka Alfujeyrah ayaa lagu sheegay in dab xooggan uu ka kacay dekadda magaalada kadib markii sawaariikh lagu beegsaday qeybta shidaal siinta maraakiibta ee dekadda.
Anwar Qarqaash oo ah lataliyaha madaxweynaha xukuumadda Riddada Imaaraatka Carabta ayaa sheegay in saacado kooban gudahood ay Iiraan kusoo weerartay 3 sawaariikh Baalisti ah iyo 23 diyaaradood oo Drones ah.
Taliska ciidamada ciidamada dowladda Iiraan wuxuu amarkan uu ku xirayo dekadaha Imaaraatka sabab uga dhigay in maraakiibta Mareykanka ay ka dhigteen goob ay kasoo duulaan gaar ahaan weeraradii cuslaa ee jimcihii lasoo dhaafay ay lakulmeen jaziiradaha Abuu Muusa iyo Khaarik ee wadanka Iiraan.
Warbixinno soo baxay ayaa sheegaya in dowladaha Khaliijka ay duulaanka Mareykanka iyo Yahuudda ee Iiraan ay ku khasaareen lacag dhan 15 Bilyan oo dollar.
inkastoo madaxweynaha Iiraan uu isbuucii lasoo dhaafay cudur daar ka bixiyay weeraradii ay ku qaadeen dowladaha Khaliijka hadane weli weerarada ayaa halkooda kasii socda iyagoo ka xoog badan sidii ay ahaayeen billaawgii dagaalka.
About The Author
