Wararka ka imaanaya dhulka reer Filistiin, ayaa sheegaya in maamulka gumeystaha Yahuudda uu albaabada u laabay masaajidka barakaysan ee Al-Aqsaa, isagoo Muslimiinta ka hor istaagay in ay si xor ah ugu cibaadaystaan.
In ka badan laba usbuuc, ayaa lasoo wariyay in uu xiran yahay masaajidkan barakaysan, waxaana durba la dareemay saameynta uu reebay falkan guracan ee lagula dagaallamyo shicaaraatka Islaamka.
Tallaabadan ayaa kusoo beegantay iyadoo lagu guda jiro Tobonka danbe ee bisha barakaysan ee Ramadaan, oo ah waqti ay si gaar ah Muslimiinta ugu dadaalaan cibaadada, si ay uga faa’ideystaan fadliga weyn ee bishan ku jira.
Muuqaallo lagu faafiyay baraha bulshada, ayaa muujinaya dad Maslimiin ah oo salaadda ku oogaya meel u dhow masaajidka, kadib markii laga hor istaagay in ay gudaha u galaan oo ay si xur ah ugu cibaadaystaan, iyadoo uu marti galin jiray kumannaan muslimiin ah.
Sidoo kale, waxaa haawanaya barxadaha masaajidka Al-aqsaa, waxaana si ka duwan sannadihii lasoo dhaafay masaajidkan laga waayay dhawaqa aadaanka, qirada salaadaha sida Maqribka, Cishaha, Taraawiixda iyo Tahjudka.
Falkan ayaa mar kale muujinaya cadaawada sii kordhaysa ee ay Yahuuddu u hayaan dadka Muslimiinta, iyadoo marba marka ka dambeysa ay qaadayaan tallaabooyin lagu beegsanayo Islaamka iyo ehelkiisa, waxaana xusid mudan in maamulkan uu u sacyinayo in cadaawadiisa usoo safriyo dalal uu ka mid yahay Soomaaliya.
About The Author
