Kooxda Riddada Soomaaliya ee garwadeenka uu ka yahay murtad Gurguurte ayaa si adag u cambaareysay doorashadii shalay ka qabsoontay Baydhabo ee dib loogu soo doortay hoggaanka maamulka ashahaado-la-dirirka Koonfur Galbeed.
Doorashadan dib loogu caano-shubay murtad C/Casiis Laftagareen iyo guddoonka golaha dawaaqiidda Koonfur Galbeed ayay kooxda Riddada Soomaaliya ku tilmaantay mid aan waafaqsaneyn dastuur-gaalleedka loo dejiyey iyo heshiisyo ay sheegeen in horey loo gaaray.
War-saxaafadeed ka soo baxay Wasaaradda arrimaha Gudaha ee Riddada Soomaaliya ayaa lagu sheegay in doorashadaasi aysan ahayn mid xalaal ah, balse ay ahayd “is-magacaabid hore loo sii qorsheeyay oo lagu soo gebogabeeyey muddo 24 saac gudahood ah.
Kooxda Gurguurte waxay sheegtay in tallaabadan ay si toos ah uga hor imaaneyso wax ay ku sheegeen xeerarka doorashada, dastuurka, iyo mabaadi’da dowlad-dhiska, isla markaana ay sii kordhin karto tabashooyinka ka jira deegaannada Koonfur Galbeed.
“Lama aqbali karo hannaan kasta oo ku dhisan sharci-darro, qasab iyo musuq siyaasadeed, laguna magacaabo doorasho,” ayaa lagu yiri war-saxaafadeedka Wasaaradda arrimaha Gudaha ee Riddada Soomaaliya.
Si kastaba ha ahaatee, dhiillada colaadeed ee labada dhinac weli waa ay taagan tahay, waxaana maleeshiyaadka Koonfur Galbeed la dhoobay difaacyada Baydhabo, kadib markii kooxda Gurguurte ay wacad ku martay inay la wareegayso xarunta gobolka Baay.
About The Author
