Wararka ka imaanaya degmada Dayniile ee magaalada Muqdisho ayaa sheegaya in weerar culus lagu qaaday maleeshiyaad katirsan kooxda Riddada Soomaaliya gaar ahaan kuwa caanka ku ah dhulboobka.
Rag hubeysan oo guryahooda laboobay ayaa dhowr jiho ka weeraray maleeshiyaadka Murtadiinta ee ku sugan Xaafada Warlaliska ee degmada Dayniile.
Goobjoogayaal ayaa sheegaya in iska hor’imaadku uu yimid kadib markii dadka deegaanka ee is abaabulay ay qori Garneellada garbaha laga gemo ku weerareen isku imaatin ay ku sugnaayeen maleeshiyaadka murtadiinta.
Jabaqada rasaasta ayaa is qabsatay intabadan xaafadaha Warsalaliska ee guryihii kuyiillay ay boobeen maleeshiyaadka murtadiinta.
Dhinaca kale kooxaha mucaaradka ee labaxay golaha Samatabixinta ayaa Muqdisho uga dhawaaqay banaanbax ballaaran oo ka dhan ah dhulboobka kooxda Riddadu ay kawaddo degmooyinka gobolka Banaadir.
Shariif Sheekh Axmed iyo Xasan Cali Kheyre ayaa shacabka Muqdisho ugu baaqay in maalinta Axadda ay isugusoo baxaan waddooyinka Muqdisho ayna ka dhiidhiyaan dhulboobka.
Sidoo kale magaalada Muqdisho waxaa ka socda barakac aad u xooggan oo ay sameynayaan shacabka rayidka ah ee guryahooda laboobay.
waddooyinka caasimadda ayaa lag arkayaa qoysas gaadiid xamuul ah ku guuraya waxayna sheegeen in xilli roobaadkan ay halis ku wajahayaan banaanada Muqdisho.
About The Author
