Sid ay wararku tibaaxayaan, ciidanka millateriga Suudaan ayaa si rasmiya ugu dhawaaqay inay dib ula wareegeen gacan-ku-haynta magaalada istiraatiijiga ah ee Al-Kayli oo ka tirsan gobolka loo yaqaan An-niilul Azraq ee dhaca koonfurta bari ee waddanka Suudaan.
Sida ay wararku tibaaxayaan, dagaallo culus oo maalmo socday ayaa ka dhacay aaggan, kuwaas oo ay isku fara-saareen ciidamada qalabka sida ee Suudaan iyo maleeshiyaadka Dacmu-Sariic ee gacan-saarka la leh dowladda riddada ee Imaaraadka Carabta.
Magaalada Al-Kayli ayaa 25-kii Abriil ku dhacday gacanta RSF iyo maleeshiyaad kale oo ay isbahaystaan kadib dagaallo xooggan aaggaasi ka dhacy, taas oo loo arkay dib u dhac weyn oo ku yimid ciidamada milateriga Suudaan ee gobolka An-niilul Azraq oo soohdin-beenaad la leh dalka Itoobiya.
Dib-u-qabsashada magaalada ee ciidanka millateriga Suudaan ayaa sidoo kale lagu sifeeyey guul millateri oo muhiim ah, maadaama Al-Kayli ay tahay magaalo istaraatiijiya oo isku xirta xarunta gobolka ee Ad-damaaziin iyo magaalada Kurmuk oo u dhow xuduud-beenaadka Itoobiya.
Ciidamada Suudaan ayaa sheegay in hawlgalkan ay khasaare culus oo dhimasho, dhaawac iyo burbur hantiyeedba leh ku gaarsiiyeen maleeshiyaadka RSF iyo kooxaha kale ee la socday, inkasta oo aanay jirin warar sheegashooyinkaasi u xaqiijiyey si madax-bannaan.
Inkastoo ciidanka Suudaan ay guulo sheegteen, haddana koox ay isbahaystaan maleeshiyaadka RSF ayaa dhankooda sheegtay inay la wareegeen dhowr tuulo oo hoostaga degmada Al-Kurmuk, isla markaana ay kusii siqayaan magaalada Qaysaan.
Dagaalladan oo usbuucyadii lasoo dhaafay ka socday gobolka An-niilulul Azraq ayaa saraakiil maxalli ah oo warbaahintu ay soo xigatay sheegeen in dagaalladaasi ay barakiciyeen qiyaastii 30,000 oo rayid ah oo ku noolaa deegaannada ku xeeran aagagga colaadda.
Horumarkan ugu dambeeyay ee ciidamada Suudaan ayaa imaanaya iyadoo gobolka An-niilul Azraq uu si isa soo taraysa u noqday jiidaha dagaalka ee lagu loolamayo, isla markaana dhinac waliba uu sheeganayo in guullo uu ka gaaray dagaalladaasi.
About The Author
