Tafaasiil dheeraad ah ayaa laga helaya shir shalay xerada Xalane ku dhaxmaray hoggaanka kooxda Riddada Soomaaliya iyo madaxda kooxaha mucaaradka ee isugu yeeray golaha mustaqbalka.
ilo wareedyo ayaa sheegay in dhinacyadu ay ka doodeen qodobo ay kamid yihiin doorashooyinka madaxtinimada kooxda Riddada iyo dastuur gaaleedka kooxda.
Mucaaradka ayaa markale ku adkeystay in aysan aqbalayn mashruuca Xasan Gurguurte ee waxa loogu yeero doorasho iyo qof iyo Cod iyo waxka bedelka dastuurka.
Sida xoguhu sheegayaan madaxa kooxda Riddada ayaa ku adkeystay in uu ka tanaasulo dhammaan qodobadii laysku hayay arrinkaas oo keenay in murtadiintu ay soo kala dareeraan iyagoo aan wax is faham ah gaarin.
Safiirrada dowladaha Mareykanka iyo Ingiriiska oo shirka hagayay islamarkaana qaab qoorqabad ah isugu geeyay murtadiinta ayaa dhinacyada ku amray in ay berri markale dib isugusoo laabtaan.
Mucaaradka waxaa shirka Xalane ku metelayay Siciid Deni iyo Shariif Sheekh Axmed halka kooxda Riddada ay metelayeen Xasan Sheekh iyo Saalax Jaamac.
Dowladaha saliibiyiinta reergalbeedka ee maalgelinaya duullaan gaaleedka Soomaaliya lagusoo qaaday ayaa dhinacyada dabadhilifyada ku cadaadinaya in ay xal ka gaaraan ismariwaaga udhaxeeya.
About The Author
