Murtadiinta kala ah Shariif Xasan iyo Cabdicasiis Jawaari oo ka mid ah xubnaha horay u shaaciyay inay u taaganyihiin doorashada madaxtinimo ee maamul goboleedka ashahaada la dirirka Koonfur-galbeed ayaa si rasmi ah u qaadacay doorashada uu Baydhabo ka wado murtad Xasan Gurguurte.
Shariif Sakiin oo shir jaraa’id qabtay, dhinaciisana uu taagan yahay Cabdicasiis Jawaari, ayaa diiday inay ka qayb galaan doorashada uu Xasan sheekh ka wado deegaannada maamulka Riddada Koonfur-galbeed, wuxuu sheegay inay doorashadu tahay mid hal dhinac ah oo ay qof gaar ah u xiran tahay.
Wuxuu carrabka ku dhuftay guddoomiyaha golaha dawaaqiidda Riddada, murtad Aadan Madoobe, kaasi oo uu sheegay in uu isku yahay guddoomiyaha Baarlamaanka, sii hayaha maamulka iyo sidoo kale musharrax madaxweyne, sidaas darteed ayuu sheegay inay qayb ka noqon karin waxa socda maadaama ay doorashadu hal dhinac ka raran tahay.
Hadalka Shariif Sakiin, ayaa kusoo beegmaya xilli horay mucaaradku u diideen doorashada uu Xasan Gurguurte ka wado deegaannada uu ka arrimiyo maamulka ashahaada la dirirka Koonfur-galbeed, saraakiisha iyo maleeshiyada maamulkii hore ee Laftagareenna ay weeraro ku hayaan maamulka cusub ee Gurguurte ka dhisay Baydhaba.
About The Author
