Kooxda Falastiiyiniinta ee muqaawada, ayaa ayaa si adag u cambaareeyay booqashada uu madaxa maamulka ashahaado-la-dirirka Somaliland, C/Raxmaan-Cirro ku tagay magaalada Qudus ee Yahuuddu ay xoogga ku haysato.
Warsaxaafadeed ururku uu soo saaray saacadihii lasoo dhaafay, ayay ku caddeeyeen sida ay uga soo hor-jeedaan safarka Cirro, waxaanay sheegeen in tallaabada uu daba-dhilifkani qaaday ay tahay mid aan marnaba la aqbali karin.
Wax iska caabintu waxa kaloo warsaxaafadeedkeedan ku sheegeenin qorshaha uu Cirro doonayo inuu safaarad kaga furto magaalada la haysto ee Qudus ay tahay gef siyaasadeed iyo wax ay ku tilmaameed xadgudub ka dhan ah xeerarka caalamiga ah.
“Waxaan si aad ah u cambaareyneynaa, oonu diiddanahay in Cirro uu booqdo maamulka Sahyuuniga ah, isla markaana uu la kulmo hoggaamiyeyaashooda loo yaqaan kuwa leh taariikh dembiyeed oo ka dhan ah dadkeenna Falastiiniyiinta iyo dadka Carabta.” Ayay tiri muqaawamadu.
Waxa kale oo ay intaas ku dareen “Tallaabada uu damacsan yahay Cirro ee ah in uu safaarad ka furo Quddusta la haysto waa gef siyaasadeed iyo ku xadgudub dhammaan xeerarka caalamiga ah, iyo iska indho-tirid mowqifka midaysan ee Carabta iyo Islaamku ay ka leeyihiin Quddus.”
Muqaawamada oo Axaddii shalay soo saartay bayaankan ayaa tallaabada uu qaaday madaxa maamulka daba-dhilifka Somaliland, C/Raxmaan-Cirro ku tilmaantay mid khatar ah, waxaanay ku baaqday inuu si deg-deg ah uga laabto.
Waxa kale oo ay muqaawamadu ugu baaqday waxa loogu yeero Ururka Jaamacadda Carabta, Ururka Iskaashiga Islaamka, iyo sidoo kale dhinacyada kale ee ay khuseyso, inay tallaabo ka qaadaan si looga hortago in maamulka Somaliland uu jebiyo mowqifka midaysan ee arrinta Falastiin.
About The Author
