Ganacsatada ka howlgala suuqa Geela ee deegaanka Siinka dheer ee duleedka magaalada Muqdisho, ayaa cabasho ka muujiyay lacago baad xad-dhaaf ah oo kooxda Riddadu kusoo rogtay ganacsigooda xoolaha.
Waxay sheegeen in iyagoo la daalaa_dhacayay baadda kooxda Riddada, markale la dul-dhigay lacag dheeraad ah, waxayna xuseen inaysan awoodin oo aysan bixinayn baad hor leh oo laga qaado.
Ganacsatada oo warbaahinta kula hadlayay suuqa Geela, ayaa waxay sheegeen in maanta uu suuqaasi u xirnaa lacagaha baadda ah ee ay dul-dhigtay kooxda Ridada Gurguurte, waxay tilmaameen in ganacsatada lagu amray bixinta lacagta, qofka ka biya diidana xoolihiisa xoog looga saarayay suuqa.
Waxay intaasi ku dareen in suuqaasi uu qarka u saaran yahay in uu xirmo, waxay ku celceliyeen inaysan awoodin bixinta baadda lagu soo rogay, markii horena ay dhibaato ku qabeen baadda looga qaado Afgooye iyo Siinka dheer.
About The Author
