Maanta waxaa inta badan xirnaa suuqa magaalada Boosaaso ee xarunta u ah gobolka Bari oo ka mid ah suuqyada ugu waawayn ee Soomaaliya, kaasoo ay saameysay lacago baad ah oo uu soo rogay maamulka ashahaada la dirirka ah ee uu hoggaamiyo Siciid Deni.
Ganacsatada ayaa sheegay, in maamulka Siciid Deni uu lacgo dheeraad ah ku kordhiyay badeecadaha iyo alaabaha kasoo dega dekadda magaalada Boosaaso, taasi oo saamaynteeda laga dareemay suuqyada magaalooyinka maamulkaasi iyo gobollada dhexe.
Mid ka mid ah ganacsatada, ayaa sheegay in lacagaha laga qaado doonyaha kusoo xirta dekadda la kordhiyay %150 ama %200, taasi oo ah laba-laab lacagtii baadda ee horay looga qaadi jiray, ganacsataduna xamali waayeen.
Waxay ganacsatadu sheegeen in dekadda magaalada Boosaaso ay xiran tahay maalintii 11-aad, go’aanka uu maamulka Riddada Puntland ku kordhiyay baadda dekadda Boosaaso ayay sheegeen inuu yahay mid aan loo dul-qaadan karin.
About The Author
